Almatyda biregeı rekord ıesi Aqnazar Qajymurattyń denesi tabyldy
Almaty qalalyq Polıtsııa departamentiniń málimetinshe, jas jigittiń joǵalyp ketkeni týraly aryz Medeý aýdandyq polıtsııa basqarmasyna bir kún buryn túsken.
«Arnaıy izdeý toby quryldy. Búgin Bostandyq aýdanynyń aýmaǵynda krımınaldy polıtsııa bóliminiń qyzmetkerleri jas jigittiń denesin tapty. Zorlyq-zombylyq belgileri joq. Qaıtys bolý sebebin anyqtaý úshin sot-medıtsınalyq saraptama taǵaıyndaldy», – dep habarlady Almaty qalasy PD baspasóz qyzmeti.
Eske salaıyq, Aqnazar Qajymurat 2018 jyly fızıka-matematıka baǵytyndaǵy Nazarbaev zııatkerlik mektebin támamdap, Garvard ýnıversıtetine oqýǵa túsken. Ol ACT jáne SAT Subject Tests halyqaralyq emtıhandarynda 36-dan 36, 2400-den 2400 upaı jınap, biregeı rekord ornatqan.
Sonymen qatar, eń tanymal matematıka jáne fızıka olımpıadalarynyń jeńimpazy atanǵan.