Almatyda birden úsh avtobýs soǵysyp qaldy
ALMATY. QazAqparat – Almatyda úsh avtobýs soqtyǵysty, dep habarlaıdy QazAqparat tilshisi.
Jol apatynyń vıdeosy áleýmettik jelide tarady.
Almaty qalalyq polıtsııa departamentiniń málimetinshe, jol apaty búgin saǵat tańǵy saǵat 10:30 shamasynda Raıymbek dańǵylynda boldy.
«YUTONG BUS markaly avtobýs júrgizýshisi Raıymbek dańǵylymen shyǵys baǵytta kele jatyp qashyqtyqty saqtamaý saldarynan aldynda kele jatqan SAZ avtobýsymen soqtyǵysqan. Sosyn SAZ avtobýsy sol baǵytta kele jatqan úshinshi YUTONG markaly avtobýsqa soǵyldy. Jol apatynan eshkim zardap shekken joq», - dedi Almaty qalalyq ІІD tergeý basqarmasynyń bastyǵy Oljas Sháripov.
Polıtsııa ókiliniń sózinshe, atalǵan fakt boıynsha Áýezov aýdandyq polıtsııa bólimi tergeý júrgizip jatyr.
