Almatyda birden tórt kólik soǵyldy
ALMATY. QazAqparat - Almatyda jol apaty saldarynan tórt kólik zardap shekti, dep habarlaıdy QazAqparat tilshisi.
Jappaı kólik apaty Jansúgirov kóshesine jetpeı Seıfýllın dańǵylynda boldy.
Zardap shekkenderdiń aıtýynsha, baǵdarshamnyń qosymsha belgisiniń «jasyl» túsin kútip Toyota RAV-4, Mitsubishi Galant jáne Nissan Maxima kólikteri turǵan. Sońǵy mashınaǵa júıitkip kelip, qyzyl Ford Fiesta soǵylǵan. Doıby prıntsıpimen qalǵan kólikter bir-birine soǵylǵan.
Qyzyl Ford Fiesta-nyń júrgizýshisi oqıǵa ornynan qashyp ketpek bolǵan. Biraq apatqa kýá bolǵandar ony toqtatyp, polıtsııa shaqyrǵan. Olardyń sózinshe, er adam óz is-áreketine jaýap bere almaıtyn kúıde bolǵan.
Jedel járdem brıgadasy RAV-4 júrgizýshisi - áıel adamdy aýrýhanaǵa jetkizdi.
