Almatyda birden 7 kólik soǵyldy
ALMATY. QazAqparat - Almatyda bir birine soǵylǵan 7 kólik yqsham aýdandaǵy jolda keptelis týdyrdy, dep habarlaıdy QazAqparat tilshisi.
Jol-kólik apaty Jandosov pen Altynsarın kósheleriniń qıylysynda bolǵan. Kýágerlderdiń aıtýynsha, Toyota Camry Altynsarın kóshesimen soltústik baǵytqa ketip bara jatqan, oǵan qarsy kele jatqan Toyota Carina Jandosov kóshesine qaraı solǵa burylmaq bolǵan. Alaıda, Samry ony jiberýdiń ornyna baryp, oǵan soǵylǵan. Qatty soqqydan Samry syrǵyp baryp, Altynsarın kóshesimen ketip bara jatqan Gazel shaǵyn avtobýsyna soǵylǵan. Odan qashamyz degen taǵy bir Samry men 103 baǵdaryndaǵy avtobýs bir birin syryp ótken. Keptelisten ótip ketpek bolǵan Honda CRV jáne Volkswagen kólikteri bir birine soǵylǵan. Osylaısha 7 kólik bir mezette soǵylǵan.
Aıta keteıik, atalǵan jol qıylysyna jaqyn ornalasqan Pıatnıtskıı kóshesinde jylý jelisi jarylyp, jol betine muz qatqan.
Jol apatynan Toyota Carina-nyń eki jolaýshysy zardap shekti.
