Almatyda birde - bir sheshim «Nur Otan» partııasynyń qatysýynsyz qabyldanbaıdy - Baıbek
Olardyń arasynda qalanyń mádenıet jáne zııaly qaýym, densaýlyq saqtaý, bıznes, bilim men ǵylym ókilderi bar.
Baýyrjan Baıbek búginde Qazaqstan halyqtary Assambleıasynyń azamattardyń násiline, etnıkalyq, dinı jáne áleýmettik jaǵdaıyna qaramastan olardyń konstıtýtsııalyq quqyqtaryn qamtamasyz etetin naqtyly qozǵaýshy kúshke aınalǵanyn aıtty.
«Búginde qala bıýdjeti turǵyndarmen kezdesý barysynda aıtylǵan azamattardyń ótinimi jáne partııa usynysy boıynsha quralady. Fraktsııa depýtattarynyń usynysy boıynsha halyqtyń az qamtylǵan bóligine áleýmettik qoldaý kórsetý kólemi edáýir artty. Almatyda birde - bir sheshim «Nur Otan» partııasynyń qatysýynsyz qabyldanbaıdy, óıtkeni ol óz jumysyn Saıası doktrınanyń esep berý, ashyqtyq, tıimdilik jáne keń qoǵamdyq dıalog prıntsıpterine saı júrgizedi», - dedi Baýyrjan Baıbek.
Qalyptasqan dástúr boıynsha partııanyń týǵan kúninde onyń qatary jańa múshelermen tolyqty. Olardyń qatarynda mádenıet, densaýlyq saqtaý, bilim men bıznes ókilderi bar. Olardyń arasynda kıno jáne teatr akteri Azamat Satybaldy, Yqylas atyndaǵy ulttyq mýzyka aspaptary mýzeıiniń dırektory Uljan Baıbosynova, «SmArt.Point Almaty» bas dırektory Ámirhan Omarov, PІB Ortalyq klınıkalyq aýrýhanasynyń prezıdenti Igor Krachkovskıı, «Qazaqstannyń 100 jańa tulǵasy» jobasyna qatysýshy Hadıchahan Rafıkova, GIST TECH-I halyqaralyq ınnovatsııalyq konkýrstyń fınalısi Ardaq Berdibekov jáne tanymal kásipker Nurjan Qulseıtov bar.
«Partııa - halyq pen memleket arasyndaǵy kópir. Onyń kómegimen turǵyndardyń kóńil kúıi bilinedi, problemalary men ótinimderi der kezinde sheshim tabady. Árıne, atqarylar ister alda. Men búgin partııa múshesi bolǵanyma maqtanamyn. Elimizde mádenıet órken jaıýy tıis, óıtkeni óner men mádenıet - halyqtyń bet perdesi», - dep atap ótti Azamat Satybaldy.
«Kóktemniń alǵashqy kúninde partııa múshesi atanǵanyma óte qýanyshtymyn. Prezıdentimizdiń saıasaty Táýelsizdik alǵan qıyn kezeńderge qaramastan barlyq qıyndyqtardy oıdaǵydaı jeńýge kúsh berdi. Men «Rýhanı Jańgyrý» baǵdarlamasynyń ómirge kelgenine óte rızamyn, óıtkeni, bizde ózgelerde joq mádenıet pen dástúrler bar», - dedi Uljan Baıbosynova.
Shara barysynda partııanyń damýyna erekshe úles qosqan Rahman Alshanov, Bekqalı Torǵaev jáne Natalıa Nekrasova syndy ardagerler Alǵys gramotalarymen marapattaldy.
«Partııa 19 jyl ishinde qanat jaıdy, saıası jáne ekonomıkalyq damýǵa aıtarlyqtaı úles qosyp keledi. Men búgin partııa tarıhyna ózimniń qatysym bar ekenine maqtanamyn», - dedi partııanyń Ortalyq apparatynyń alǵashqy sektor meńgerýshisi Natalıa Nekrasova.
Aıta keterligi, «Nur Otan» partııasynyń Almaty qalalyq fılıaly jańa tehnologııalardy engizýde jáne partııa júıesiniń jumysyn jańǵyrtýda flagman bolyp tabylady. Jyl qorytyndysy boıynsha partııanyń Almaty qalalyq fılıalynyń Qoǵamdyq qabyldaýy «Úzdik qoǵamdyq qabyldaý» atty respýblıkalyq konkýrsta birinshi oryndy ıelendi, 1 jeltoqsanda «Nur Otan» partııasynyń alǵashqy mýltımedııalyq mýzeıi ashyldy. Osy jaqynda ǵana partııanyń arnaıy sıtýatsııalyq «Policy analytical Office» ortalyǵy jumysyn bastady.
