Almatyda bir úıdiń jalǵyz qyzy joǵalyp ketti
ALMATY. QazAqparat - Almatyda 18 tamyz kúni úıinen shyǵyp ketip qaıtyp oralmaǵan 7 synyp oqýshysy Karına Drozdovaǵa izdeý jarııalandy, dep habarlaıdy QazAqparat tilshisi.
Karına Drozdova 2004 jyly 27 mamyrda dúnıege kelgen. Oqýshy qyzdyń anasy Tatıana Mýromtsevanyń aıtýynsha, qyzy úıden ketip qalar aldynda ata-anasymen arada renish bolǵan.
Sonymen qatar, anasy QazAqparat tilshisine qyzyn keshe Almatynyń Orbıta aýdanynan kórgender tabylǵanyn aıtqan. Úsh kúnnen beri úıge oralmaǵan oqýshynyń anasy Feısbýk áleýmettik jelisi arqyly oǵan arnap hat jazdy.
«Karına, eger bizdiń habarymyz saǵan jetse, bilip qoı, biz seni renjitkimiz kelmedi. Úıge oral, barlyǵy jaqsy bolady. Eger seni renjitsek, keshir, biz qatty alańdap otyrmyz», - dedi onyń anasy Tatıana.
Anasynyń aıtýynsha, Karına úıdiń jalǵyz balasy, tolyqqandy otbasynan shyqqan.
Karınanyń ata-anasy qyzy jaıly qandaı da aqparat bilgenderge +7 701 356 60 25, +7 707 252 61 00 telefon nómirleri arqyly habarlasýyn suraıdy.
