Almatyda bir túnde tynyshtyq buzǵan 18 moped júrgizýshisi ákimshilik jaýapqa tartyldy
Turǵyndardan aryz - shaǵymdar kóbeıgen soń, polıtsııa Arbatta profılaktıkalyq is-sharany kúsheıtti.
Qalalyq polıtsııa departamentiniń málimetinshe, Arbat demalys orny sońǵy ýaqytta jaıaý júrginshilerdiń ǵana emes, sondaı-aq, moped júrgizýshileriniń de bas qosatyn ornyna aınalǵan.
«Bul jaǵdaı jergilikti turǵyndardyń narazylyǵyn týdyrdy. Belgilengen aýmaqta jaıaý patrýl, irgeles aýmaqta avtokólik patrýlderi kúsheıtildi. Máselen, ótken túnde ǵana Arbatta tynyshtyqty buzý deregi boıynsha bes habarlama kelip tústi. Shara qoldaný úshin 18 moped júrgizýshisi polıtsııaǵa jetkizildi. Olar QR ÁQBtK-niń 437-baby jáne 615-baby boıynsha jaýapqa tartyldy. Jalpy, bes kún ishinde Arbatta tártip buzǵan 63 moped júrgizýshisi Almaly aýdandyq polıtsııa basqarmasyna jetkizildi», – dedi Almaty qalalyq polıtsııa departamentiniń jedel basqarý ortalyǵy bastyǵynyń orynbasary Danııar Tasýbaev.
Aıta keteıik, Almatyda jyl basynan beri jol erejesin buzǵan 4748 moped júrgizýshisi ákimshilik jaýapqa tartyldy.
Eske salsaq, Almatyda Arbattyń búkil aýmaǵyna beınekamera qoıylatynyn habarlaǵanbyz.
