Almatyda bir túnde karantın rejımin buzǵan 14 mekeme anyqtaldy
Keshe túnde qalada 14 mekeme qarantın talaptaryn buzdy. Anyqtalǵan buzýshylyqtar arasynda: «Bla Bla» bary bar, onda 50-ge jýyq adam bolǵan, «Nebo» túngi klýby 80-ge jýyq kelýshini qabyldaǵan.
Monıtorıng tobynyń ókilderi atap ótkendeı, «Bla Bla» mekemesiniń ákimshileri «Ashyq» jobasyna sáıkes jumys istep jatqandaryn aıtyp, sendirgen. Alaıda, atalǵan mekeme Almaty qalasy boıynsha osy pılottyq jobada jumys isteıtin kásipkerlik sýbektileriniń tizimine kirmeıdi, sondaı-aq áleýmettik qashyqtyq saqtaý jáne kelýshiler sany 50% - dan aspaýy kerek degen talaptar saqtalmaǵan. Tizim qala ákimdiginiń resmı saıtynda myna silteme boıynsha qoljetimdi.
Bıyl 20 naýryz ben 3 mamyr aralyǵynda belgilengen shekteýlerdiń 761 ret buzylǵany anyqtaldy. 3309 adamǵa ákimshilik jaýapkershilikke tartý týraly hattama toltyryldy.
Almaty ákimdigi Ashyq jobasyna qatysatyn bıznes sýbektileri úshin karantın sharalaryn jáne belgilengen jumys rejımin saqtaýǵa shaqyrady: meıramhanalar, dámhanalar men jazdyq alańdarǵa kelýshiler sany 50% – ǵa, 50 orynǵa deıin, saǵat 7:00-den 2:00-ge deıin; teatrlar, kınoteatrlar, kontsert zaldary, fılarmonııaǵa kelýshiler sany 30% - dan aspaýy kerek; bılıard klýbtary tolymdylyǵy 30% - dan aspaǵan jaǵdaıda, jumys rejımi 12:00-den tún ortasyna deıin; kompıýterlik klýbtar, PlayStation-klýbtaryn qosa alǵanda, kelýshiler sany 30% -dan aspaǵan jaǵdaıda, 12:00-den tún ortasyna deıin, bul rette 16 jasqa tolǵan jáne odan úlken azamattar ǵana jiberiledi; boýlıngter kelýshiler sany 30% - dan aspaǵan jaǵdaıda, 12:00-den tún ortasyna deıin.
