Almatyda bir túnde balalary úshin 312 ata-ana ákimshilik jaýapqa tartyldy
Almaty qalasy polıtsııa departamentiniń jergilikti polıtsııa qyzmeti basqarmasynyń ıývenaldy polıtsııa bóliminiń bastyǵy Janna Shonjanovanyń aıtýynsha, shara barysynda quqyq buzǵan 376 jasóspirim anyqtaldy, onyń 312-si túngi ýaqytta ishki ister organdaryna jetkizildi, qaraýsyz qalǵan 40 bala balalardy qorǵaý ortalyǵyna ornalastyryldy. Arnaıy esepke 25 jasóspirim tirkelip, bala tárbıesinde óz mindetterin oryndamaıtyn 35 ata-ana anyqtaldy.
«Túngi ýaqytta ata-analarynyń nemese olardyń zańdy ókilderiniń qaraýynsyz kóńil kóterý ortalyqtarynda júrgen balalar úshin 312 ata-ana ákimshilik jaýapqa tartyldy. Eskerte keteıik, kez-kelgen ata-ana óz balalaryn qaraýsyz qaldyrmaý kerek. Sebebi, balalar ártúrli jaǵdaıǵa dýshar bolýy nemese quqyq buzýshylyqqa jol berýi múmkin. Sondaı-aq, jasóspirimderge qatysty qylmys jasalý qaýpi bar. Bala tárbıesine úlken jaýapkershilikpen qaraý kerek», – dedi Janna Shonjanova.