Almatyda bir túnde 4280 tonna qar shyǵaryldy
ALMATY. QazAqparat - Almatynyń kommýnaldyq qyzmetteri jarty táýlik boıy jaýǵan qardy túnimen tazalady, dep habarlaıdy «QazAqparat» HAA tilshisi.
Almaty ákimdiginiń baspasóz qyzmetinen habarlaǵandaı, qalada jaýǵan qardyń bıiktigi 6 sm bolsa, taýda jáne taýly aımaqtarda 12 sm deıin jetti.
«6 aqpan kúni keshki qarbalas ýaqyttan keıin qar tazalaǵysh 180 tehnıkadan quralǵan 20 kolonna uıymdastyryldy. Júk kólikteriniń shebimen polıtsııanyń patrýldik mashınalary birge júrdi. Aqpannyń 6-synan 7-sine qaraǵan túni 4280 tekshe metr qar shyǵaryldy», - dep atap ótti ákimdikten.
7 aqpan tańǵy saǵat 9-daǵy jaǵdaı boıynsha, joldar men trotýarlarǵa kóktaıǵaqqa qarsy 4635 tonna qospa sebildi.
«Qar tazalaý jumystaryna 575 arnaıy tehnıka, 2110 jumysshy jumyldyryldy. Aýdandyq ákimdikter men qala ákimdiginde qardy tazalaý jónindegi jumystardy baqylaý boıynsha táýliktik kezekshilik uıymdastyryldy», - delingen taratylǵan baspasóz habarlamasynda.
