Almatyda bir tún ishinde 3 kólik órtendi
ALMATY. QazAqparat - Almatyda bir tún ishinde 3 kólik órtendi. Bul týraly qalalyq TJD-nyń baspasóz hatshysy Sandýǵash Baımuhambetova habarlady.
Túngi saǵat 03.15-terde Jandosov kóshesindegi 29 úıdiń mańynda turǵan «Toıota» kóliginiń órtenip jatqany týraly habarlandy. Órt kóliktiń motor bóliginde tutanyp, salondy sharpyǵan.
Túngi 01:30-da ál-Farabı men Shashkın kósheleriniń qıylysynda «Mazda» otqa orandy. Órt aýmaǵy 5 sharshy metrdi sharpydy. Tilsiz jaýdy órt sóndirýshiler 01:47-de sóndirdi.
Tańǵy saǵat 04:48-de Shańyraq-2 shaǵyn aýdanynda «Samsýng» kóliginde órt shyqty. Qyzyl jalyn 4 sharshy metrdi sharpydy.
Baspasóz hatshysynyń aıtýynsha, japa shekkender joq.
