Almatyda bir top mas adam polıtsııaǵa shabýyl jasady
ALMATY. QazAqparat – Almatyda ishimdik iship alǵan mas adamdar polıtsııa qyzmetkerlerinyń zańdy talabyna qarsylyq kórsetti, dep habarlaıdy, QazAparat tilshisi.
Almaty qalalyq PD habarlaýynsha, 6 sáýir kúni keshke, №1 shaǵyn aýdandaǵy turǵyn úıdiń aýlasynda qyzmette júrgen ýchaskelik ınspektorlar ishimdik iship otyrǵan bir top er adamdy baıqaıdy. Olar balalar oıyn alańyna jaıǵasqan. Jınalǵan top polıtsııa eskertýine agressııamen jaýap berdi, olar karantın rejımi erejelerine qaıshy eshnárse istemegenin aıtyp, ózderin aqtaýǵa tyrysqan.
«Óz erkimen taraǵysy kelmegen bes adamdy polıtsııa bólimine aparýǵa týra kelgen. Sondaı– aq, olar polıtsııa qyzmetkerlerine qarsylyq kórsetip, tóbeles shyǵarǵan. Qazir buzaqylar qamaýǵa alynyp, jaýapqa tartylyp jatyr. Olar mindetti túrde zańǵa sáıkes jazasyn alady», – deıdi M.Áýezov aýdandyq polıtsııa basqarmasynyń bastyǵy Álisher Tursynbetov.
Onyń aıtýynsha, ustalǵandardyń ústinen eki bap boıynsha is qozaǵalady. QR Qylmystyq kodeksiniń 379-baby «Memlekettik qyzmetkerge baǵynbaý» jáne 380-baby ıaǵnı «Bılik ókiline qatysty kúsh qoldaný».
