Almatyda bir táýlikte myńǵa jýyq adam koronavırýs juqtyrǵan
ALMATY. QazAqparat – Almatynyń qoǵamdyq densaýlyq basqarmasy qaladaǵy koronavırýsqa baılanysty ahýal men vaktsınatsııa týraly aıtty, dep habarlaıdy QazAqparat tilshisi.
«21 shildede koronavırýsty juqtyrýdyń 993 jaǵdaıy (jergilikti) tirkeldi. Olardyń 901-i – sımptommen, 92-si – sımptomsyz. 348 adam emdelip shyqty. 402 naýqas aýrýhanaǵa tústi. 6090 oryndyq ınfektsııalyq statsıonarda 3 099 adam (173 bala) jatyr», - dep habarlady Almatynyń qoǵamdyq densaýlyq basqarmasy.
Jan saqtaý jáne ıntensıvti terapııa bólimshesinde 228 adam jatyr. 25 adam ókpeni jasandy jeldetý (ÓJJ) apparatyna, 78 adam ınvazıvti emes ÓJJ apparatyna qosylǵan. High flow-da 86 apparat bos emes. 5 821 patsıent alǵashqy medıtsınalyq-sanıtarlyq kómektiń jáne Telemedıtsınalyq ortalyqtyń mobıldi brıgadasynyń baqylaýynda. Sımptomy bar 5 411 naýqas jeńil jáne ortasha aýyr jaǵdaıda, sımptomsyz túrimen 410 adam aýyryp jatyr.
1 aqpan men 21 shilde aralyǵynda 665 761 adam vaktsınanyń birinshi komponentin saldyrǵan. Ótken táýlikte 4 392 adam vaktsınalandy.
Ekpe saldyrǵandardyń jalpy sanynyń ishinde 60 jastan asqan adamdar sany – 94 467.
Qalada medıtsınalyq mekemelerde, mektepterde, mádenıet, sport nysandarynda, bazarlar men SOSO-da 212 vaktsınatsııa pýnkti jumys isteıdi. 1260 adamnan turatyn 308 egý brıgadasy tartylǵan.
