Almatyda bir táýlikte koronavırýstyń «delta» shtamy 36 adamnan anyqtaldy
ALMATY. QazAqparat - Almatyda koronavıýrstyń «delta» shtamynyń úlesi 78% jetti, dep habarlaıdy QazAqparat tilshisi.
«Ótken táýlikte Almatyda 46 synamada mýtatsııaǵa ushyraǵan shtamdar bar-joǵy zertteldi. Onyń 36-synda «delta» shtamy anyqtaldy. Osylaısha, úndi shtamynyń úles salmaǵy 78,3 paıyzdy, segiz úlgide «alfa» (ulybrıtanııalyq) shtamy 17,4 paıyzdy quraıdy. ıAǵnı, qozdyrǵyshtar aýysyp jatyr», - delingen ákimdik tartqan aqparatta.
Aıta keteıik, buǵan deıin Almatyda 131 úlgi zerttelip, olardyń 77-sinen ulybrıtanııalyq shtamm, al 46-synan úndi shtamy anyqtalǵan bolatyn.
Eske salaıyq, Almaty qalasy sanıtarııalyq-epıdemıologııalyq baqylaý departamentiniń basshysy, qalanyń bas memlekettik sanıtar dárigeri Jandarbek Bekshın megapolıstegi epıdemıologııalyq jaǵdaı óte kúrdeli ekenin aıtqan bolatyn.
