Almatyda bir táýlikte bes myńǵa jýyq adam vaktsına saldyrdy
ALMATY. QazAqparat - Almaty qalasynda bir táýlikte 4872 adam koronavırýsqa qarsy vaktsına saldyrdy. Bul týraly qalalyq qoǵamdyq densaýlyq saqtaý basqarmasy málim etti, dep habarlaıdy QazAqparat tilshisi.
«15 tamyz kúni 4 872 almatylyq vaktsına saldyrdy. Koronavırýs ekpesiniń I komponentin 2 413 adam aldy. II komponentin saldyrǵandar sany 2 459. Bıylǵy jyldyń 1 aqpany men 15 tamyzy aralyǵynda qalada barlyǵy 811 800 adam vaktsına saldyrdy. Vaktsına alǵandardyń ishinde 107 996 adamnyń jasy 60-tan asqan»,- dep habarlady basqarmadan.
Qalada 160 pýnkt jumys istep tur. 1 028 mamannan quralǵan 237 egpe brıgadasy bar.
Sonymen qatar, 40 kóshpeli mobıldi brıgada uıymdastyrylǵan.
«Qazir medıtsınalyq uıymdarda, mektepterde, mádenıet, sport obektilerinde, bazarlar men qalanyń SOSO-da vaktsınatsııa pýnkti jumys isteıdi» - dep naqtylady densaýlyq saqtaý basqarmasynyń baspasóz qyzmeti.
