Almatyda bir táýlikte adam ólimine ákelip soqtyrǵan eki jol apaty tirkeldi
ALMATY. 20 tamyz. QazAqparat - Almatyda ótken táýlikte adam ólimine ákelip soqtyrǵan eki jol apaty tirkeldi, dep habarlady qala ákiminiń baspasóz qyzmetinen.
Qaıǵyly aıaqtalǵan birinshi oqıǵa keshe boldy. 74 jastaǵy er adam «Folksvagen Passat» markaly kóliginiń astyna tústi. Zeınetker oqıǵa ornynda mert boldy. Onyń ólimin anyqtaǵan dárigerlerdiń aldyn ala málimetterinshe, er adamnyń bas-mıy shaıqalyp, súıekteri synǵan.
Arada 12 saǵattaı ýaqyt ótkende Almatynyń jol polıtseıleri adam ólimine ákelip soqtyrǵan taǵy bir jol-kólik oqıǵasyn tirkedi. Bul joly «Shańyraq» shaǵynaýdanyndaǵy Janqoja batyr kóshesinen ótip bara jatqan 6 jasar balanyń ómiri qıyldy. «Folksvagen Golf» kóliginiń 24 jasar júrgizýshisi jolǵa júgirip shyqqan balany kórgenmen kóligin jedeqabyl toqtata almaǵan. Bala alǵan jaraqattarynan oqıǵa ornynda kóz jumdy.
Joǵaryda atalǵan oqıǵalar boıynsha qylmystyq ister qozǵaldy. Tergeý amaldary bastaldy.
