Almatyda bir táýlikte 7 myńnan astam adam vaktsına saldyrdy

ALMATY. QazAqparat - Almaty qalasynda bir táýlikte 7 638 adam koronavırýsqa qarsy vaktsına saldyrdy. Bul týraly qalalyq qoǵamdyq densaýlyq saqtaý basqarmasy málim etti, dep habarlaıdy QazAqparat tilshisi.

«10 tamyz kúni 7 638 almatylyq vaktsına saldyrdy. Bıylǵy jyldyń 1 aqpany men 10 tamyz aralyǵynda qalada barlyǵy 787 494 adam vaktsına saldyrdy. Vaktsına alǵandardyń jalpy sanynan 60 jastan asqan qart kisiler úlesi - 105 767 « dep habarlady basqarmadan.

Qalada 160 pýnkt jumys istep tur. 1 028 adamnan turatyn 237 egý brıgadasy bar.

Sonymen qatar, 40 kóshpeli mobıldi brıgada uıymdastyrylǵan.

«Qazir medıtsınalyq uıymdarda, mektepterde, mádenıet, sport obektilerinde, bazarlar men qalanyń SOSO-da vaktsınatsııa pýnkti jumys isteıdi» - dep naqtylady densaýlyq saqtaý basqarmasynyń baspasóz qyzmeti.

Eske salaıyq, keshe Almatyǵa qytaılyq Vero Sell vaktsınasynyń birinshi partııasy jetkizildi.