Almatyda bir táýlikte 7 208 turǵyn vaktsına saldyrdy

ALMATY. QazAqparat - Almaty qalasynda bir táýlikte 7 208 adam koronavırýsqa qarsy vaktsına saldyrdy. Bul týraly qalalyq qoǵamdyq densaýlyq saqtaý basqarmasy málim etti, dep habarlaıdy QazAqparat tilshisi.

«15 shilde kúni 7208 almatylyq vaktsına saldyrdy. Bıylǵy jyldyń 1 aqpany men 14 shilde aralyǵynda qalada barlyǵy 635 340 adam vaktsına saldyrdy. Vaktsına alǵandardyń jalpy sanynan 60 jastan asqan qart kisiler úlesi – 92 352», - dep habarlady basqarmadan.

Qalada 212 pýnkt jumys istep tur. 1 260 adamnan turatyn 308 egý brıgadasy bar.

Sonymen qatar, 40 kóshpeli mobıldi brıgada uıymdastyrylǵan.

«Qazir medıtsınalyq uıymdarda, mektepterde, mádenıet, sport obektilerinde, bazarlar men qalanyń SOSO-da vaktsınatsııa pýnkti jumys isteıdi», - dep naqtylady densaýlyq saqtaý basqarmasynyń baspasóz qyzmeti.