Almatyda bir táýlikte 6 myńǵa jýyq adam ekpe aldy
ALMATY. QazAqparat - Almaty qalasynda bir táýlikte 5 846 adam koronavırýsqa qarsy vaktsına saldyrdy, dep habarlaıdy QazAqparat tilshisi.
Basqarma taratqan málimetke sáıkes, 22 maýsym kúni 5 846 almatylyq vaktsına saldyrdy.
Bıylǵy jyldyń 1 aqpany men 22 maýsym aralyǵynda qalada barlyǵy 386 222 adamǵa ekpe salyndy.
Vaktsına alǵandardyń jalpy sanynan 60 jastan asqan qart kisiler - 49 314.
Qalada 211 pýnkt jumys istep tur. 1 257 adamnan turatyn 304 egý brıgadasy bar.
Sonymen qatar, 40 kóshpeli mobıldi brıgada uıymdastyryldy.
«Qazirgi medıtsınalyq uıymdarda, mektepterde, mádenıet, sport obektilerinde, bazarlar men qalanyń SOSO-da vaktsınatsııa pýnkti jumys isteıdi» - dep naqtylady qoǵamdyq densaýlyq saqtaý basqarmasy.
Qala boıynsha vaktsınanyń birinshi komponentiniń 72 328 dozasy jáne ekinshi komponenttiń 99 473 dozasy bar.
