Almatyda bir táýlikte 570 koronavırýs juqtyrý oqıǵasy tirkeldi
ALMATY. QazAqparat – Almatyda 9 mamyrda 570 koronavırýs juqtyrý oqıǵasy tirkeldi, onyń ishinde 467 oqıǵa sımptommen, 103-i – sımptomsyz. 250 myńnan astam adamǵa vaktsına egildi, dep habarlaıdy QazAqparat tilshisi.
Qalanyń qoǵamdyq densaýlyq basqarmasynyń dereginshe, 157 adam jazylyp, 225 adam aýrýhanaǵa túsken. Nátıjesinde juqpaly aýrý statsıonarynda (6 060 oryn) 3 513 adam (108 bala) em alýda. Jan saqtaý jáne qarqyndy terapııa bóliminde barlyǵy 222 adam jatyr. ÓJJA-da 29 adam, ınvazııalyq ÓJJA-da 68 naýqas, High flow-da – 96 adam.
Ambýlatorlyq baqylaýda 4 480, sımptommen – 3 889 jeńil jáne orta dárejedegi, sımptomsyz 591 naýqas jatyr.
Ótken táýlikte qalada 1 554 adam vaktsına aldy. Barlyǵy qala boıynsha 1 aqpan men 9 mamyr aralyǵynda 250 659 adam ekpe alǵan. Qazirgi kezde 1 282 adam jumys isteıtin 315 ekpe brıgadasy jumyldyrylǵan 214 pýnkt qyzmet kórsetýde.
Búgingi kúni Qazaqstanda 1 600 000-nan asa adamǵa vaktsına egildi.
