Almatyda bir táýlikte 5 myńnan astam adam vaktsına saldyrdy

ALMATY. QazAqparat - Almaty qalasynda bir táýlikte 5 396 adam koronavırýs vaktsınasyn saldyrdy. Bul týraly qalalyq qoǵamdyq densaýlyq saqtaý basqarmasy málim etti, dep habarlaıdy QazAqparat tilshisi.

«16 tamyz kúni 5 396 almatylyq vaktsına saldyrdy. Koronavırýsqa qarsy ekpeniń II komponentin saldyrǵandar sany - 5 273. Bıylǵy jyldyń 1 aqpany men 16 tamyzy aralyǵynda qalada barlyǵy 817 196 adam vaktsına aldy. Vaktsına salǵandardyń ishinde 108 398 adamnyń jasy 60-tan asqan»,- dep habarlady basqarmadan.

Qalada 160 ekpe pýnkti jumys istep tur. 1 028 adamnan turatyn 237 ekpe brıgadasy bar.

Sonymen qatar, 40 kóshpeli brıgada uıymdastyrylǵan.

«Qazir medıtsınalyq uıymdarda, mektepterde, mádenıet, sport obektilerinde, bazarlar men qalanyń SOSO-da vaktsınatsııa pýnkti jumys isteıdi», - dep naqtylady densaýlyq saqtaý basqarmasynyń baspasóz qyzmeti.