Almatyda bir táýlikte 5,8 myńnan astam adam vaktsına aldy
ALMATY. QazAqparat - Almaty qalasynda bir táýlikte 5 802 adam koronavırýsqa qarsy vaktsına saldyrdy, dep habarlaıdy QazAqparat tilshisi.
Basqarma taratqan málimetke sáıkes, 16 maýsym kúni 5 802 almatylyq vaktsına saldyrdy. Bıylǵy jyldyń 1 aqpany men 16 maýsym aralyǵynda qalada barlyǵy 357 299 adamǵa ekpe salyndy.
Vaktsına alǵandardyń jalpy sanynan 60 jastan asqan qart kisiler - 41 117.
Qalada 211 pýnkt jumys istep tur. 1 257 adamnan turatyn 304 egý brıgadasy bar. Sonymen qatar, 40 kóshpeli mobıldi brıgada uıymdastyryldy.
«Qazirgi medıtsınalyq uıymdarda, mektepterde, mádenıet, sport obektilerinde, bazarlar men qalanyń SOSO-da vaktsınatsııa pýnkti jumys isteıdi» - dep naqtylady Qoǵamdyq densaýlyq saqtaý basqarmasy.
«Qala boıynsha vaktsınanyń qaldyǵy – birinshi komponenttiń 80 251 dozasy jáne ekinshi komponenttiń 101 691 dozasy bar» - dep habarlady Almaty qalasy Qoǵamdyq densaýlyq basqarmasynyń baspasóz qyzmeti.
Aıta keteıik, 10 maýsym kúni Almaty qalasy Qoǵamdyq densaýlyq basqarmasyna qytaılyq «Sinovac Biotech» kompanııasy shyǵarǵan CoronaVac vaktsınasynyń 46 000 dozasy (1 jáne 2 komponent) jetkizildi.
