Almatyda bir táýlikte 4,5 myń adam vaktsına aldy
ALMATY. QazAqparat - Almaty qalasynda bir táýlikte 4 540 adam koronavırýsqa qarsy vaktsına saldyrdy, dep habarlaıdy QazAqparat tilshisi.
Qoǵamdyq densaýlyq saqtaý basqarmasy taratqan málimetke sáıkes, 10 maýsym kúni 4 540 almatylyq vaktsına saldyrdy. Bıylǵy jyldyń 1 aqpany men 10 maýsymy aralyǵynda qalada barlyǵy 329 671 adam ekpe aldy.
Vaktsına alǵandardyń jalpy sanynan 60 jastan asqan qart kisiler - 31 319.
Qalada 211 egý pýnkti jumys istep tur. 1 257 adamnan turatyn 304 egý brıgadasy bar. Sonymen qatar, 40 kóshpeli mobıldi brıgada uıymdastyryldy.
«Qazirgi ýaqytta medıtsınalyq uıymdarda, mektepterde, mádenıet, sport obektilerinde, bazarlar men qalanyń saýda, oıyn-saýyq ortalyqtarynda vaktsınatsııa pýnkteri jumys isteıdi» - dep naqtylady basqarmadan.
«Qala boıynsha vaktsınanyń qaldyǵy – birinshi komponenttiń 51 698 dozasy jáne ekinshi komponenttiń 103 449 dozasy bar» - dep habarlady Almaty qalasy Qoǵamdyq densaýlyq basqarmasynyń baspasóz qyzmeti.
