Almatyda bir táýlikte 23 mm jaýyn-shashyn tústi- qalalyq TJD

ALMATY. QazAqparat - Almatyda qatty jaýyn-shashyn týraly daýyldy eskertý túsken soń, qaladaǵy azamattyq qorǵaý kúshteri men quraldary daıyndyqqa keltirildi, dep habarlaıdy QazAqparat tilshisi qalalyq TJD-nyń baspasóz qyzmetine silteme jasap.

Saǵat 10:30-daǵy jaǵdaı boıynsha Almaty qalasynda «112» jelisi men «109» qutqarý qyzmetine sý basý (aýla aýmaqtary, kósheler) týraly 11 habarlama kelip tústi. Onyń 7 faktisi rastalmady.

Jetisý aýdanynda Goncharov kóshesi, 60 boıynsha bitelgen aryq qubyry tazalandy, Brıýsov kóshesi boıynsha – TJD kúshimen sý sorý jumystary júrgizildi;

Alataý aýdanynda Magadanskaıa kóshesi, 53-úıde merdigerlik uıymnyń kúshimen aryq jelisi tazartyldy;

Naýryzbaı aýdanynda Suranshy batyr kóshesi, 2-de jeke úıdiń aýlasyn sý basyp, ákimdiktiń merdigerlik uıymy jumys istedi.

Túske deıin sý basýdyń barlyq rastalǵan jaǵdaılary boıynsha jumystar aıaqtaldy.

«Qazgıdromet» aqparatyna sáıkes bir táýlikte Almaty qalasynda 23 mm jaýyn-shashyn túsken. Aıdyń basynan 146,1 mm jaýyn-shashyn tústi ( aılyq normasy -76 mm).

«Taýlarda qar jaýyp jatyr, Úlken Almaty kólinde – 107 sm, Myńjylqyda – 67 sm, Medeýde – 44 sm.

Qar kóshkininiń júrý qaýpi týraly qala turǵyndary habardar etildi.

»Qazseldenqorǵaý« MM baqylaý beketteriniń derekteri boıynsha Kishi jáne Úlken Almaty, Aqsaı, Qarǵaly ózenderiniń basseınderinde jaǵdaı turaqty. Sý deńgeıiniń kóterilýi baıqalmaıdy (norma sheginde)»,- delingen qalalyq TJD habarlamasynda.