Almatyda bir táýlikte 2 myńǵa jýyq adam vaktsına saldyrdy
ALMATY. QazAqparat - Almaty qalasynda bir táýlikte 1 993 adam koronavırýsqa qarsy vaktsına aldy, dep habarlaıdy QazAqparat tilshisi.
Basqarma taratqan málimetke sáıkes, 31 mamyr kúni 1 993 almatylyq vaktsına saldyrdy. Bıylǵy jyldyń 1 aqpany men 31 mamyr aralyǵynda qalada barlyǵy 306 078 adamǵa ekpe salyndy.
Qalada 211 pýnkt jumys istep tur. 1 256 adamnan turatyn 307 egý brıgadasy bar. Sonymen qatar, 40 kóshpeli mobıldi brıgada uıymdastyryldy.
«Qazirgi medıtsınalyq uıymdarda, mektepterde, mádenıet, sport obektilerinde, bazarlar men qalanyń SOSO-da vaktsınatsııa pýnkti jumys isteıdi» dep naqtylady qoǵamdyq densaýlyq saqtaý basqarmasy.
Aıta keteıik, búgin Qytaı elinen CoronaVac vaktsınasynyń 500 myń dozasy Almatyǵa jetkizildi.
CoronaVac vaktsınasyn Qazaqstan aýmaǵynda qoldanýǵa QR Densaýlyq saqtaý mınıstrligi maquldady.
Ol elde qoldanylyp júrgen QazVac, «Spýtnık V» jáne Hayat Vax vaktsınalarynyń tizbesin tolyqtyrady.
