Almatyda bir táýlikte 2 340 adam vaktsına aldy

ALMATY. QazAqparat - Almaty qalasynda bir táýlikte 2 340 adam koronavırýsqa qarsy vaktsına saldyrdy, dep habarlaıdy QazAqparat tilshisi.

Basqarma taratqan málimetke qaraǵanda 30 mamyr kúni 2 340 almatylyq vaktsına saldyrǵan.

Bıylǵy jyldyń 1 aqpany men 30 mamyr aralyǵynda qalada barlyǵy 304 085 adamǵa ekpe salyndy.

Qalada 211 pýnkt jumys istep tur. 1 256 adamnan turatyn 307 egý brıgadasy bar.

Sonymen qatar, 40 kóshpeli mobıldi brıgada uıymdastyryldy.

«Qazirgi medıtsınalyq uıymdarda, mektepterde, mádenıet, sport obektilerinde, bazarlar men qalanyń SOSO-da vaktsınatsııa pýnkti jumys isteıdi» - dep naqtylady qoǵamdyq densaýlyq saqtaý basqarmasy.