Almatyda bir táýlikte 18 ret qar kóshkini júrdi
ALMATY. QazAqparat- Almatyda bir táýliktiń ishinde Úlken jáne Kishi Almaty ózenderiniń basseınderinde 18 ret qar kóshkini júrdi, dep habarlaıdy QazAqparat tilshisi.
Almaty qalalyq Tótenshe jaǵdaılar departamentiniń málimetinshe, túsken qardyń kólemi 29 myń tekshe metr.
«Qar kóshkini adam ótpeıtin taýly aımaqtarda tústi. Abyroı bolǵanda zardap shekkender joq. Ózen arnalary men joldarǵa qar túsken joq. Kóshkin qaýipi týraly almatylyqtar men qala qonaqtaryn medıabordtar eskertýde, onda taýlarda kóshkin qaýpi týraly habarlama taratylady, uıaly telefondarǵa SMS-habarlamalar jiberildi»,- dep atap ótti vedomstvodan.
Esterińizge sala keteıik, qazirgi ýaqytta Úlken Almaty kóli men Shymbulaqqa baratyn avtojoldar jabyq.
Buǵan deıin Shymbulaq aýmaǵynda qar kóshkini júrgen edi.
Qutqarýshylar osy ýaqytta taýly jerlerge barmaýǵa, tik qarly betkeılerden saq bolýǵa, taý shańǵysy kýrorttaryndaǵy qorshaýlardan tys jerlerge shyqpaýǵa keńes beredi.
Foto: media.publika.md
