Almatyda bir táýlikte 1500-den astam adam koronavırýs juqtyrǵan
ALMATY. QazAqparat – Almatyda bir táýlikte 1503 koronavırýs ınfektsııasy tirkeldi. Onyń 1410-y sımptomdy, 93-i sımptomsyz, dep habarlaıdy QazAqparat tilshisi.
Qalalyq qoǵamdyq densaýlyq basqarmasy baspasóz qyzmetiniń habarlaýynsha ótken táýlikte, 218 naýqas emdelip shyqsa, olardyń ornyna 596 adam túsken. Qazir qaladaǵy ınfektsııalyq statsıonarlarda (7 110 tósek) 5 591 adam (187 bala) em alyp jatyr. Reanımatsııa jáne qarqyndy terapııa bólimshesinde 397 adam em alýda. Ókpeni jasandy jeldetý apparatyna – 63, ınvazıvti emes ókpe apparatyna – 159, High flow apparatyna – 152 adam jalǵanǵan.
Bastapqy medıtsınalyq-sanıtarlyq kómektiń mobıldi brıgadalarynyń jáne telemedıtsına ortalyǵynyń baqylaýymen 11 624 patsıent úıde em alyp jatyr. Olardyń 11 097-si jeńil jáne ortasha dárejeli sımptommen, 527-si sımptomsyz syrqattanǵan.
2021 jyldyń 1 aqpanynan 8 tamyzyna deıingi kezeńde vaktsınanyń birinshi komponentin 771 233 adam alǵan. Ótken bir táýlikte birinshi komponentti – 4 063 adam, ekinshi komponentti – 5 722 adam qabyldady. Ekpe alǵandardyń ishinde jasy 60-tan asqan adamdardyń sany – 104 526. Qalada medıtsınalyq uıymdarda, mektepterde, mádenıet, sport obektilerinde, bazarlarda jáne qalanyń saýda-oıyn-saýyq ortalyqtarynda 160 vaktsınatsııa pýnkti jumys isteıdi (250-ge deıin ulǵaıtý múmkindigi bar). 1 028 adamnan turatyn 237 egý brıgadasy jumyldyrylǵan.
