Almatyda bir táýlikte 15 myńnan astam adam vaktsına saldyrdy
ALMATY. QazAqparat - Almaty qalasynda bir táýlikte 15 292 adam koronavırýsqa qarsy vaktsına saldyrdy. Bul týraly qalalyq qoǵamdyq densaýlyq saqtaý basqarmasynan málim etti, dep habarlaıdy QazAqparat tilshisi.
«2 shilde 15 292 almatylyq vaktsına saldyrdy. Bıylǵy jyldyń 1 aqpany men 2 shildesi aralyǵynda qalada vaktsınanyń tolyq dozasyn 313 491 adam aldy. Vaktsına alǵandardyń jalpy sanynan 60 jastan asqan qart kisiler - 81 202 «,- dep habarlady basqarmadan.
Qalada 211 pýnkt jumys istep tur. 1 257 adamnan turatyn 304 egý brıgadasy bar. Sonymen qatar, 40 kóshpeli mobıldi brıgada uıymdastyryldy.
«Qazirgi medıtsınalyq uıymdarda, mektepterde, mádenıet, sport obektilerinde, bazarlar men qalanyń SOSO-da vaktsınatsııa pýnkti jumys isteıdi» - dep naqtylady densaýlyq saqtaý basqarmasynyń baspasóz qyzmeti.
