Almatyda bir táýlikte 14 myńnan astam adam vaktsına saldyrdy
ALMATY. QazAqparat - Almaty qalasynda bir táýlikte 14 066 adam koronavırýsqa qarsy vaktsına saldyrdy. Bul týraly qalalyq qoǵamdyq densaýlyq saqtaý basqarmasy málim etti, dep habarlaıdy QazAqparat tilshisi.
«7 shilde kúni 14 066 almatylyq vaktsına saldyrdy. Bıylǵy jyldyń 1 aqpany men 7 shilde aralyǵynda qalada barlyǵy 553 744 adam ekpe aldy, al onyń tolyq dozasy 333 136 adamǵa salyndy»,- dep habarlady basqarmadan.
Qalada 212 pýnkt jumys istep tur. 1 260 adamnan turatyn 308 egý brıgadasy bar. Sonymen qatar, 40 kóshpeli mobıldi brıgada uıymdastyryldy.
«Qazirgi medıtsınalyq uıymdarda, mektepterde, mádenıet, sport obektilerinde, bazarlar men qalanyń SOSO-da vaktsınatsııa pýnkti jumys isteıdi», - dep naqtylady densaýlyq saqtaý basqarmasynyń baspasóz qyzmeti.
