Almatyda bir táýlikte 12 myńnan astam adam vaktsına aldy
ALMATY. QazAqparat - Almaty qalasynda bir táýlikte 12 275 adam koronavırýsqa qarsy vaktsına saldyrdy. Bul týraly qalalyq qoǵamdyq densaýlyq saqtaý basqarmasy málim etti, dep habarlaıdy QazAqparat tilshisi.
« 29 maýsym kúni 12 275 almatylyq vaktsına saldyrdy. Bıylǵy jyldyń 1 aqpany men 29 maýsym aralyǵynda qalada vaktsınanyń tolyq dozasyn 298 003 adam aldy. Vaktsına alǵandardyń jalpy sanynan 60 jastan asqan qart kisiler - 76 660 «,- dep habarlady basqarmadan.
Qalada 208 pýnkt jumys istep tur. 1 256 adamnan turatyn 307 egý brıgadasy bar. Sonymen qatar, 40 kóshpeli mobıldi brıgada uıymdastyryldy.
«Qazirgi medıtsınalyq uıymdarda, mektepterde, mádenıet, sport obektilerinde, bazarlar men qalanyń SOSO-da vaktsınatsııa pýnkti jumys isteıdi» - dep naqtylady densaýlyq saqtaý basqarmasynyń baspasóz qyzmeti.
Qala boıynsha vaktsınanyń qaldyǵy – birinshi komponenttiń 54 680 dozasy jáne ekinshi komponenttiń 109 491 dozasy bar.
Aıta keteıik, 26 maýsym kúni Almatyǵa QazVac vaktsınasynyń 1 jáne 2 komponentiniń 9 000 dozasy jetkizildi
