Almatyda bir táýlikte 10 myńnan astam adam vaktsına saldyrdy

ALMATY. QazAqparat - Almaty qalasynda bir táýlikte 10 639 adam koronavırýsqa qarsy vaktsına saldyrdy. Bul týraly qalalyq qoǵamdyq densaýlyq saqtaý basqarmasy málim etti, dep habarlaıdy QazAqparat tilshisi.

«7 qyrkúıek kúni 10 639 almatylyq vaktsına saldyrdy. Koronavırýsqa qarsy ekpeniń І komponentin 4 184 , II komponentin 6 455 adam aldy. Vaktsına saldyrǵandar sany boıynsha Almaty qalasy aldyńǵy orynda. Bıylǵy jyldyń 1 aqpany men 6 qyrkúıek aralyǵynda qalada 895 420 turǵyn vaktsınanyń birinshi komponentin, 782 451 adam ekinshi komponentin saldyrǵan. Olardyń ishinde 114 440 adamnyń jasy 60-tan asqan»,- dep habarlady basqarmadan.

Qalada 160 pýnkt jumys istep tur. 1 028 adamnan turatyn 237 egý brıgadasy bar.

Sonymen qatar, 40 kóshpeli mobıldi brıgada uıymdastyrylǵan.

«Qazir medıtsınalyq uıymdarda, mektepterde, mádenıet, sport obektilerinde, bazarlar men qalanyń SOSO-da vaktsınatsııa pýnkti jumys isteıdi» - dep naqtylady densaýlyq saqtaý basqarmasynyń baspasóz qyzmeti.