Almatyda bir táýlik ishinde koronavırýstyń 25 oshaǵy anyqtaldy
ALMATY. QazAqparat – Almatyda koronavırýstyń 25 oshaǵy tirkeldi. Bul týraly qalalyq ákimdiktiń baspasóz qyzmeti málimdedi, dep habarlaıdy QazAqparat tilshisi.
Almaty qalasy Taýarlar men qyzmetterdiń sapasyn baqylaý departamentiniń deregi boıynsha, búgin Almaty aýmaǵynda koronavırýstyq ınfektsııanyń 24 oshaǵy bar.
Atap aıtqanda, Áýezov aýdanynda 2 juqtyrý oshaǵy: Jetisý-2 yqshamaýdany, 70a; Mamyr – 4 yqshamaýdany, 313 meken-jaıynda ornalasqan.
Alataý aýdanynda 3 juqtyrý oshaǵy: Zarıa-Vostok yqshamaýdany, Sary-oı kóshesi, 234; Aqkent yqshamaýdany, 7; Aqbulaq yqshamaýdany, 9- da ornalasqan.
Almaly aýdany boıynsha 4 oshaq: Jeltoqsan kóshesi, 125; Jarokov kóshesi, 16; Jarokov kóshesi, 7; Jambyl kóshesi, 155-de ornalasqan.
Medeý aýdanynda 4 oshaq: Dostyq kóshesi, 162; Gogol kóshesi, 75; Qonaev kóshesi, 62; Samal-3 yqshamaýdany, 5 mekenjaıy bar.
Jetisý aýdanynda 2 oshaq bar: Eńlikgúl, 34a, Volochaevskaıa kóshesi, 51 mekenjaılarynda tirkeldi.
Túrksib aýdanynda 7 oshaq: Altaı-1 yqshamaýdany, 8; «Jas qanat» yqshamaýdany, 86; Maılın kóshesi, 77; Spasskaıa kóshesi, 63; Juldyz yqshamaýdany, 45; Papanına kóshesi, 145 a; Juldyz-1 yqshamaýdany, 13-de ornalasqan.
Bostandyq aýdanynda 1 oshaq: Turǵyt-Ozal kóshesi, 242 meken-jaıynda ornalasqan.
Naryzbaı aýdanynda búgin jańa oshaq tirkeldi. Ol -Aqjar aýyly, Bereke kóshesi, 1/97.
Qala bıligi almatylyqtardy karantın rejımin qatań saqtaýǵa, karantındik aýmaqtyń ishinde júrýden aýlaq bolýǵa, jeke gıgıena sharalaryn saqtaýǵa, týys, dos, áriptesterimen qarym-qatynasty shekteýdi suraıdy. Mundaǵy maqsat – ár adamnyń ózin koronavırýstyq ınfektsııa juqtyrýdan saqtaý, týǵandary men jaqyndary jáne aınalasyndaǵylarǵa da juqtyrý qaýpin tómendetý.
Qala ákimdigi, medıtsınalyq jáne sanıtarlyq-epıdemıologııalyq baqylaý qyzmetteri tarapynan indettiń oshaq aýmaǵynan tys jerge taralyp ketpeýi úshin kúsheıtilgen is-sharalar atqarylyp jatyr.
