Almatyda bir shaǵynaýdan turǵyndary jaryqsyz otyr
ALMATY. QazAqparat - Almatynyń Bostandyq aýdanynda ornalasqan «Ermensaı» shaǵynaýdanda elektr qýaty sónip qaldy, dep habarlaıdy QazAqparat tilshisi.
Almaty qalasynyń energetıka jáne sýmen jabdyqtaý basqarmasy 2 jeltoqsan kúni saǵat 08:55-te Bostandyq aýdanyndaǵy RES-5-te «Silver Hills» turǵyn úı kesheni alańynda – Ermensaı shaǵynaýdany, 5-qıylysta elektr qýatynyń úzilgenin habarlady.
«Oqıǵa ornyna «Alataý Jaryq» kompanııasynyń jedel qyzmetiniń toby shyqty. Tolyq aqparat naqtylanady», - dep habarlady qalalyq ákimdikten.
Buǵan deıin Almaty ákimi Erbolat Dosaev Almatyda elektr qýatynyń jıi óshetinine qatysty pikir bildirgen bolatyn.
Aıtýynsha, qazirgi tańda 4,2 shaqyrym elektr jelisi qaıta jańǵyrtyldy. Jyl sońyna deıin 11 shaqyrymǵa deıin jóndeledi.
