Almatyda bir kúnde 9 myńnan astam adam vaktsına saldyrdy
ALMATY. QazAqparat - Almaty qalasy boıynsha sońǵy táýlikte 9140 adam vaktsına saldyrdy, dep habarlaıdy QazAqparat tilshisi.
«16 sáýir kúni 9140 almatylyq vaktsına saldyrdy», - dep habarlady qalalyq qoǵamdyq densaýlyq saqtaý basqarmasynyń baspasóz qyzmeti.
Bıylǵy jyldyń 1 aqpany men 16 sáýir aralyǵynda 126 099 adamǵa ekpe salyndy.
Almaty qalasynda vaktsınatsııa josparǵa sáıkes júrgizilýde jáne sáýirdiń 11-24 aralyǵynda 100 000-nan astam adamdy KVI-ge qarsy ımmýndaý josparlanǵan.
Búgingi kúni qalada 203 pýnkt jumys istep jatyr, 1 809 adamnan turatyn 406 egý brıgadasy bar.
Sondaı-aq, Á. Qasteev atyndaǵy óner murajaıynda (Sátpaev k-si) ashylyǵan vaktsınalaý pýnkti óz jumysyn bastady. Jumys ýaqyty: 08:00-den 20:00-ge deıin.
Aıta keteıik, 15 sáýir kúni Naýryzbaı aýdanyndaǵy «Taý samaly» bazarynda vaktsınatsııa pýnkti ashyldy.
