Almatyda bir kúnde 7 myńnan astam adamǵa vaktsına salyndy

ALMATY. QazAqparat – Almatyda bir táýlikte 7 myńnan astam adamǵa koronavırýsqa qarsy vaktsına egildi, dep habarlaıdy QazAqparat tilshisi.

«2 sáýirdegi jaǵdaı boıynsha 7 060 adamǵa vaktsına salyndy. Búgin Almaty qalasynyń turǵyndaryn ımmýndaý protsesi jalǵasady», - dep habarlady Almaty qalalyq qoǵamdyq densaýlyq saqtaý basqarmasynan.

Basqarma málimetinshe, qazir qalada 56 vaktsına egý pýnkti jumys isteıdi.

Aıta keteıik, vaktsınanyń birinshi komponenti 100% ıgerildi, barlyǵy 15 750 doza paıdalanyldy.

«Spýtnık-V» ekinshi komponentimen vaktsınatsııa (revaktsınatsııa) 15 sáýirge deıin jalǵasady.

Buǵan deıin Almaty ákimi qalaǵa aı saıyn 250 myń doza vaktsına bólinetinin aıtqan bolatyn.

Sonymen qatar, sáýir aıynda megapolıste 250 vaktsına pýnkti ashylady.