Almatyda bir kúnde 10 myńnan astam adam vaktsına aldy

ALMATY. QazAqparat - Almaty qalasynda bir táýlikte 10 655 adam koronavırýsqa qarsy vaktsına saldyrdy. Bul týraly qalalyq qoǵamdyq densaýlyq saqtaý basqarmasy málim etti, dep habarlaıdy QazAqparat tilshisi.

«19 tamyz kúni 10 655 almatylyq vaktsına saldyrdy. Koronavırýsqa qarsy ekpeniń І komponentin 4 730, II komponentin 5 925 adam saldyrdy. Bıylǵy jyldyń 1 aqpany men 19 tamyzy aralyǵynda qalada barlyǵy 833 106 adam vaktsına aldy. Vaktsına salǵandardyń ishinde 109 603 adamnyń jasy 60-tan asqan»,- dep habarlady basqarmadan.

Qalada 160 pýnkt jumys istep tur. 1 028 adamnan turatyn 237 egý brıgadasy bar.

Sonymen qatar, 40 kóshpeli mobıldi brıgada uıymdastyrylǵan.

«Qazir medıtsınalyq uıymdarda, mektepterde, mádenıet, sport obektilerinde, bazarlar men qalanyń saýda, oıyn-saýyq ortalyqtarynda vaktsınatsııa pýnktteri jumys isteıdi» - dep naqtylady densaýlyq saqtaý basqarmasynyń baspasóz qyzmeti.