Almatyda bir kúnde 10 myńǵa jýyq adam vaktsına aldy
ALMATY. QazAqparat - Almaty qalasynda bir táýlikte 9 myńnan astam adam koronavırýsqa qarsy vaktsına saldyrdy, dep habarlaıdy QazAqparat tilshisi.
«3 sáýir kúni 9 975 almatylyqqa koronavırýsqa qarsy ekpe salyndy», - dep habarlady Almaty qalasy qoǵamdyq densaýlyq saqtaý basqarmasy.
Osylaısha, 2 jáne 3 sáýirde Almatyda 16 985 adamǵa vaktsına egildi.
Qazir qalada 56 vaktsına pýnkti jumys istep tur.
Búgin Almaty ákimi Baqytjan Saǵyntaev qalada jumys istep turǵan ekpe pýnktileriniń jumysyn tekserip shaqty.
Buǵan deıin Almaty ákimi qalaǵa aı saıyn 250 myń doza vaktsına bólinetinin aıtqan bolatyn.
Sonymen qatar, sáýir aıynda megapolıste 250 vaktsına pýnkti ashylady.
