Almatyda bir kún ishinde 6 qalta urysy ustaldy
ALMATY. QazAqparat - Almaty polıtsııasy urlyq úshin birneshe ret qylmystyq jaýapkershilikke tartylǵan urylardyń tulǵalaryn jarııalaý tájirıbesin jalǵastyryp keledi, dep habarlaıdy QazAqparat tilshisi.
Atap aıtqanda, 46 jastaǵy Valıhan Muratuly Aıtpenov qoǵamdyq kólikte 38 jastaǵy áıeldiń sómkesinen gadjetti urlap ketken. Ol oqıǵa ornynda qolǵa tústi.
40 jastaǵy Roza Vasılevskaıa №34 baǵytta júretin qoǵamdyq kólikte 25 jasar qyzdyń ámııanyn qoldy etken. Ol da oqıǵa ornynda qolǵa tústi.
41 jastaǵy Erlan Sársenbaev №118 baǵytta júretin qoǵamdyq kólikte 16 jastaǵy jasópirimniń qaltasynan uıaly telefonyn urlap alǵan.
49 jastaǵy Sahınýr Bakıeva №85 baǵyttaǵy qoǵamdyq kóliktiń salonynda 46 jastaǵy áıel adamnan mobıldi qurylǵyny urlaǵan.
20 jastaǵy Berik Tursynbaı «Mereı» saýda úıiniń janynda 30 jastaǵy er adamnyń kúrteshesiniń qaltasynan uıaly telefondy urlap alǵan.
26 jastaǵy Anton Kýrolenko №57 baǵyttaǵy qoǵamdyq kólikte 50 jastaǵy áıeldiń uıaly telefonyn qoldy etken.
37 jastaǵy Vasılıı Neşeretnev «Sary Arqa» bazarynda 22 jastaǵy boıjetkenniń kúrteshesiniń qaltasynan uıaly telefonyn urlap alǵan.
«Tájirıbe kórsetkendeı, tipti bas bostandyǵynan aıyrylǵannan keıin de keıbireýler ózderi úshin durys sheshim qabyldamaı, kerisinshe, qaıtadan qylmys jasaıdy. Onyń ishinde joǵaryda atalǵan azamattar da bar. Olardy bizdiń jedel izdestirý bóliminiń qyzmetkerleri qolǵa túsirdi. Múmkin, bul kisilerdiń qylmystyq áreketinen zardap shekkender bar shyǵar, biz olardy dereý kórsetilgen nómirlerge habarlasýǵa shaqyramyz: 254-40-09; 254-40-12 jáne 254-43-93», - dedi Almaty qalalyq PD Qylmystyq polıtsııa basqarmasynyń bastyǵy, polıtsııa podpolkovnıgi Esen Ysqaqov.
