Almatyda bir azamat kórshiniń kúshigin urlaımyn dep isti boldy
ALMATY. 11 mamyr. QazAqparat - Alabaı tuqymdy ıttiń kúshigi úshin kórshisiniń úıine urlyqqa túsken 62 jastaǵy azamat áshkere boldy.
«Ójet» yqsham aýdanynda turatyn ol ıttiń ıesine birneshe márte ótinish jasap, 5 myń teńge aqsha usynady. Alaıda tilegin qabyl almaǵan soń kórshisi úıde joq kezde urlyq jasap, ony tóseginiń astyna jasyrady. «Alabaı kúshiginiń joǵalǵanyn bilgen ıesi birden polıtsıadan kómek surap, ótinish jazady. Sondaı-aq kórshisiniń oǵan qyzyǵyp júrgenin aıtyp, óz kúdigin bildiredi. Oqıǵa ornyna kelgen «Boran-184» patrýldik ekıpajy sezikti azamattyń úıin tekserý kezinde, onyń urlyǵy áshkere boldy», - deıdi Alataý aýdandyq Іshki ister basqarmasynyń bastyǵy Arynǵanı Zapparov. Polıtsııa polkovnıginiń aıtýynsha, qazir urlanǵan ıt ıesine qaıtarylyp, kúdiktige aıyp taǵyldy. Alǵashqy tergeý jumystary kezinde-aq óz qylmysyn túgel moıyndaǵan odan eshqaıda ketpeý týraly qolhat alyndy.
