Almatyda bir áıel koronavırýstan emdelip shyqty
ALMATY. QazAqparat – Búgin Almaty qalalyq juqpaly aýrýlar aýrýhanasynan koronavırýs juqtyrǵan áıel emdelip shyqty.
Bul týraly Qoǵamdyq densaýlyq saqtaý basqarmasynyń basshysy Tileýhan Ábildaev Habar 24 telearnasyndaǵy onlaın-brıfıng barysynda aıtty, - dep habarlaıdy QazAqparat tilshisi.
Búgin, 26 naýryzda Qalalyq juqpaly aýrýlar aýrýhanasynan COVID-19 vırýsy rastalǵan áıel emdelip úıine shyǵaryldy. Ol Qazaqstanda koronavırýstyq ınfektsııany juqtyrǵandardyń alǵashqylarynyń biri boldy.
«Patsıent koronavırýsty eýropada juqtyrǵan. Ol vırýsqa qarsy emdeý men sımptomatıkalyq terapııanyń tolyq kýrsyn aldy. Aýrý sımptomdarsyz ótip, vırýsqa qarsy emdi áıel qanaǵattanarlyq jaǵdaıda ótkizdi. Emdeý kezeńinde asqynýlar bolǵan joq. Sońǵy júrgizilgen eki baqylaý taldaý sharalary koronavırýsqa teris nátıje kórsetti»,– deıdi Tileýhan Ábildaev.
