Almatyda bir aı buryn joǵalǵan qyzǵa qatysty aqparat tekserilýde
ALMATY. QazAqparat - Almaty oblystyq polıtsııasy bir aıdan beri iz-tússiz ketken 22 jastaǵy boıjetken Anastasııa Galeevanyń ólimi týraly aqparatty tekserip jatyr. Bul týraly QazAqparat tilshisine oblystyq Polıtsııa Departamentiniń resmı ókili Kóbeıhan Nurahmet aıtty.
22 jastaǵy qyz aqpannyń 9-nan 10-na qaraǵan túni Almaty oblysy Jańa Qýat kottedj qalashyǵyndaǵy qurbysynyń úıine shash úlgisin jasaýǵa baryp sodan úıine oralmaǵan. Anastasııa qurbysynyń úıinen tún ishinde saǵat 23:30-da shyqqan.
Oqys oqıǵadan soń qyzdy izdeý sharalaryna 50 erikti, kınologtar, polıtsııa qyzmetkerleri kiristi.
Eriktiler 1 naýryzda izdestirý sharalaryn toqtatqan bolatyn. Olar qoldan kelgen barlyq is-áreketti jasaǵanyn, qalǵan jumys polıtsııa enshisinde ekenin aıtty.
Keıinirek Qoǵamdyq qaýipsizdik keńesi eriktiler tobynyń jetekshisi Islam Ýgýshev Feısbýkte Anastasııanyń jaqyndary óz oılarymen bólisetinin aıtqan bolatyn. Kommentarııler arasynda Ýgýshev qyzdyń kóz jumǵany jazyldy.
Al polıtsııa departamenti bul aqparatty rastaýǵa asyqpaı otyr.
«Іzdestirý sharalary jalǵasatyn bolady. Qyzdyń kóz jumǵany týraly aqparat tekserilip jatyr. Іzdestirý sharalaryna Talǵar aýdandyq PB mamandary jumyldyryldy», - dedi oblystyq PD resmı ókili Kóbeıhan Nurahmet.
