Almatyda bir aptanyń ishinde 41 jabaıy saýda oryndary jabyldy
ALMATY. 30 mamyr. QazAqparat /Názıra Eleýhan/ - Almatyda ótken aptada Almaty polıtsııasy men qala ákimdiginiń jáne sanıtarlyq-epıdemıologııalyq qyzmettiń birigip júrgizgen reıdi barysynda 41 jabaıy saýda oryndary anyqtaldy.
Júrgizilgen is-shara barysynda Alataý, Áýezov jáne Almaly aýdandarynda ár aýdan boıynsha zańsyz ashylǵan 6 saýda oryndary joıylǵan. Osy syndy jabaıy saýda men jaıma bazarlar Bostandyq aýdany boıynsha - 11 orynda, Jetisý aýdany boıynsha - 5, Medeý aýdanynda - 3, al Túrksib aýdanynda - 4 orynda joıylǵan. Munda negizinen kókónister men jemis-jıdekter, sonymen qatar, usaq-túıek taýarlar satylǵan.
Reıd jumystary sonymen qatar, qala bazarlarynyń aınalasynda da júrgizildi. Polıtsııa kúshimen barlyq saýda núkteleri taratyldy.
Almaty qalasy boıynsha memlekettik sanıtarlyq-epıdemıologııalyq baqylaý komıteti mamandarynyń aıtýynsha, osy baǵyttaǵy jumystar áli de jalǵasatyn bolady.
