Almatyda bir aptada praımerızge qatysýǵa 120 adam ótinish bergen

ALMATY. QazAqparat – Almatyda bir apta ishinde praımerızge qatysýǵa shamamen 120 adam nıet bildirdi, dep habarlaıdy QazAqparat tilshisi.

«Ótken aptada megapolıste praımerızge 120-dan astam adam ótinish berdi, onyń ishinde 33% - áıelder jáne 30% - 35 jasqa deıingi jastar. Sondaı-aq erekshe qajettiligi bar adamdar, kópbalaly analar, eriktiler jáne basqalar bar», - dep habarlady «Nur Otan» partııasy Almaty qalalyq fılıalynyń baspasóz qyzmeti.

Qatysýshylardy tirkeý 28 tamyzǵa deıin jalǵasady. Tirkeý aıaqtalǵannan keıin 30 tamyzda partııanyń praımerızine qatysýǵa ótinish bergen azamattardyń tolyq tizimi jarııalanady.

Sodan keıin jańa kezeń bastalady: kandıdattardy daıyndaý, úgit-nasıhat jumystary, daýys berý, tizimderdi daıyndaý.

Esterińizge sala keteıik, elektrondy daýys berý 1-3 qazan aralyǵynda onlaın rejımde «Praımerız» jańa aqparattyq júıesinde ótedi.