Almatyda bir aptada qaıta vaktsına alǵandardyń sany 42 myń adamǵa ósti

ALMATY. QazAqparat- Almaty qalasyndaǵy KVI boıynsha epıdemıologııalyq jaǵdaı turaqtanýda. Bul týraly Almaty qalasy sanıtarııalyq-epıdemıologııalyq baqylaý departamenti basshysynyń orynbasary Ásel Qalyqova aıtty, dep habarlaıdy QazAqparat tilshisi.

Onyń aıtýynsha, Almaty qalasynda KVI juqtyrý boıynsha táýligine 1900-2300 jaǵdaı tirkeledi.

«KVI aptalyq aýrýshańdyǵy 740,1 jaǵdaıǵa ósti. ıAǵnı, qalada KVI indetiniń besinshi tolqyny ósýin jalǵastyrdy, biraq, 27 qańtardan bastap turaqtaný úrdisi tirkeldi. Sonymen qatar, bir apta ishinde qaıta vaktsınalanǵandardyń sany 42 myń adamǵa nemese 36% - ǵa artty. Bul halyq arasynda ımmýndyq qabatty 56,8%-ǵa deıin arttyrýǵa múmkindik berdi jáne aýrýdyń turaqtanýyna áser etti. Osy qarqyndy jalǵastyrsaq, biz tezirek «qyzyl» aımaqtan shyǵyp, burynǵy ómir qarqynyna orala alamyz», - dedi dáriger.
Qańtar aıynda KVI aýrýshańdyǵy aldyńǵy aptadan 40% - ǵa, jyl basynan beri 18 ese ósken. Ásel Qalyqovanyń sózine sensek, naýqastardyń jas mólsherin taldaý boıynsha 20-39 jas aralyǵyndaǵy adamdardyń úlesi 40% - dan 35% - ǵa deıin tómendedi. Olardan keıin eń kóp zardap shekken jas kontıngenti – 40-59 jas aralyǵyndaǵy adamdar – 26%, 60 jastan asqan adamdar - 22%.
«Ótken aptada 14 jasqa deıingi balalar arasynda ınfektsııanyń 5,4% - ǵa (1463-ten 1920 jaǵdaıǵa deıin) jáne jasóspirimder arasynda 1% - ǵa (388-den 589 jaǵdaıǵa deıin), sondaı-aq 60 jastan asqan adamdar arasynda 3% - ǵa (2530-dan 3262 jaǵdaıǵa deıin) aıtarlyqtaı ósýi tirkeldi. 1 jasqa deıingi balalar arasynda, kerisinshe, 450 – den 438 jaǵdaıǵa deıin azdap tómendeý baıqalady, biraq barlyq balalar arasynda olardyń úlesi aıtarlyqtaı -22,8%»,- dedi Ásel Qalyqova.
Ótken aptada juqtyrǵandar: jumyspen qamtý boıynsha burynǵysynsha jumys istemeıtin jáne ózin - ózi jumyspen qamtyǵan adamdar - 33%, túrli uıymdar men keńselerdiń qyzmetkerleri - 22%, zeınetkerler – 20%, mektep oqýshylary – 9% jáne mektep jasyna deıingi balalar-6% -dy qurady.
Bir apta ishinde jumys istemeıtinder arasynda aýrýshańdyq 3,2% – ǵa, oqýshylar boıynsha 2,6% - ǵa, zeınetkerler boıynsha 3,2% - ǵa tómendedi. Jumys ornynda baılanys kezinde 3,3% – ǵa ósti. Otbasylarda ınfektsııa 2,7% – ǵa jáne týystarymen baılanys kezinde 0,8% – ǵa tómendedi.
Juqtyrýdyń yqtımal oryndary boıynsha ósim kvartalishilik azyq – túlik jáne azyq – túlik emes dúkenderde – 2,1% - ǵa, metroda-1,2% - ǵa, «Ashyq» qatysýshy obektilerde-0,7% - ǵa baıqalady.
Avtobýstar men trolleıbýstarda ınfektsııa 4% – ǵa, azyq – túlik saýda jelilerinde – 1,6% - ǵa jáne dárihanalarda-1,1% - ǵa tómendedi.
Ótken aptada syrqattanǵandardyń 97% juqtyrǵan negizgi juqtyrý oryndary saýda obektileri – 38%, qoǵamdyq kólik – 22%, otbasylarda – 16%, bazarlar – 10%, jumys orny boıynsha – 6% jáne qonaqta – 5% bolyp qalyp otyr.
Aıta keteıik, pandemııa bastalǵaly Almatyda KVI – diń 219880 jaǵdaıy tirkeldi, onyń ishinde 2022 jyldyń basynan beri – 36374 jaǵdaı, aǵymdaǵy jyldyń 30 qańtarynda-1556 jaǵdaıdy qurady.