Almatyda bir aptada 115 nysan karantın talaptaryn buzǵan

ALMATY. QazAqparat – Almaty qalasynyń monıtorıng toptary 13-19 aqpan aralyǵynda kúsheıtilgen rejımde jumys istedi. Barlyǵy 1 051 nysan tekserilip, 115 quqyq buzýshylyq anyqtaldy, dep habarlaıdy QazAqparat tilshisi.

Almaty qalalyq sanıtarııalyq-epıdemıologııalyq baqylaý departamentiniń málimetinshe, 19 aqpan kúni megapolıste karantın talaptaryn buzǵan 18 nysan anyqtaldy. Olarǵa jalpy somasy 3,3 mln teńgege aıyppul salyndy.

Atap aıtsaq:

- Alataý aýdanyndaǵy «Tıfanı» sán salony men «Asylzat» kesheniniń qyzmetkerleri maska taqpaǵan, «Bereke» dúkeninde ara qashyq belgisi joq. Abaı dańǵyly 143-úıdegi «Loto» klýby tyıymǵa qaramastan jumys istegen.

- Almaly aýdanyndaǵy «Boohouse» bary, «Margo» dámhanasy, «Ttandps» kompıýter klýby, «Fınık» dámhanasy qyzmetin toqtatý týraly sot sheshimine qaramastan jumysyn jalǵastyrǵan;

- «Chıkago» jáne «PS Park» oıyn klýby shekteýge qaramastan jumys istegen;

- M.Áýezov aýdanyndaǵy «Iftar» kafesinde maska rejımi saqtalmaǵan;

- Bostandyq aýdanyndaǵy «Bella» sán salony men «OLOVO» laýnj bary maska rejımin saqtamaǵan;

- Jetisý aýdanyndaǵy «Mardın» kesheni, «Brotherhood» dámhanasy men «ıAlıan» bazary maska rejımin saqtamady;

- Medeý aýdanyndaǵy «Raýshan» dúkeni karantın sharalaryn buzdy;

- Túrkib aýdanyndaǵy «Hunter 3» kompıýter klýby maska rejımin saqtamady;

- Naýryzbaı aýdanyndaǵy «Ádııa» dúkeni maska rejımin saqtamady.

Sanıtarııalyq-epıdemıologııalyq baqylaý departamenti 1 qańtar men 19 aqpan aralyǵynda 5 394 nysanǵa tekserý júrgizdi. Nátıjıesinde 456 quqyq buzýshylyq anyqtaldy.

472 hattama jasaldy, onyń ishinde zańdy tulǵalarǵa 37 261 260 teńge somasyna 103 hattama, al jeke tulǵalarǵa qatysty maska rejımin buzǵany úshin 16 233 105 teńge somasyna 369 hattama toltyryldy. 44 materıal sotqa joldanyp, olardyń 16-sy boıynsha sheshim qabyldandy.