Almatyda bir apta ishinde tasymaldaý erejesiniń 80-nen astam buzýshylyǵy tirkeldi
ALMATY. 24 qyrkúıek. QazAqparat - Almatyda ótken apta ishinde qoǵamdyq kólikti baqylaý qyzmeti tasymaldaý erejesiniń 80-nen astam buzýshylyǵyn anyqtady.
Olardyń ishinde qoǵamdyq kólikte bıletter men aqparattyq paraqshalardyń taratylmaýy, belgilenbegen jerde jolaýshylardy túsirý men kólikti toqtatý sııaqty buzýshylyqtar boldy, dep habarlady Almaty qalasy jolaýshylar kóliginiń basqarmasy.
Júrgizilgen tekserý jumystarynan keıin qoǵamdyq kóliktiń 5 júrgizýshisi jumystan qýyldy.
Esterińizge sala keteıik, aǵymdaǵy jyldyń 3 qyrkúıeginen Almaty qalasy jolaýshylar kóliginiń basqaramasy uıymdastyrǵan qoǵamdyq kólikterdi tekserý boıynsha jedel toptar jumys isteı bastady.
Baqylaý qyzmetiniń quramyna jolaýshylar kóligi basqarmasynyń qyzmetkerleri men tasymaldaýshylardyń ókilderi kirdi. Qazirgi ýaqytta baqylaý qyzmeti joldaǵy jumystaryn jalǵastyryp, buzýshylyqtardy joıý boıynsha atqarylǵan sheshimderdiń sapasyn tekserýde.
