Almatyda bir apta ishinde 442 adam karantın rejımin buzǵan

ALMATY. QazAqparat - Almaty qalasynyń ákimi Baqytjan Saǵyntaev megopolıste bir apta ishinde qansha adam jáne qansha bıznes nysan karantın tártibin buzǵanyn aıtty, dep habarlaıdy QazAqparat tilshisi.

Karantın jeńildegen kezeńnen, ıaǵnı 17 tamyzdan bastap Almatyda jumysyn qaıta jandandyrý úshin infokazakhstan.kz portalyna kásipkerlerden 43 849 ótinim tústi. 129 nysanǵa aýdıt júrgizildi, búgingi kúni olar ózderiniń daıyndyǵy týraly akt aldy.

«Ókinishke qaraı, epıdahýaldyń turaqtanýyna jáne karantın rejıminiń jeńildeýine qaramastan keı kásipkerler túsinistik tanytpaı, jaýapkershilikti jete sezinbeı otyr», – dedi Almaty ákimi Akimat Live baǵdarlamasynda.

17-25 tamyz aralyǵynda monıtorıng toptary 5213 nysanǵa reıd júrgizdi. Onyń barysynda 262 nysannyń karantın jáne maska rejımin buzǵany anyqtaldy. Ákimshilik quqyq buzý kodeksiniń 425-baby 1-tarmaǵy boıynsha 463 hattama toltyryldy. Onyń ishinde zańdy tulǵalarǵa - 20 aıyppul, al jeke tulǵalarǵa - 442 aıyppul salynǵan. Onyń ishinde maska rejımin buzǵandar da bar.

Tikeleı efır barysynda, Baqytjan Saǵyntaev aýdan ákimderi men polıtsııa departamentine qala turǵyndary habarlaǵan tártip buzýshylyqqa jol bergen kásipkerlik nysandaryn aıryqsha baqylaýǵa alýdy tapsyrdy.