Almatyda bir apta buryn joǵalǵan stýdent qyz tabyldy
ALMATY. QazAqparat – Almaty servıstik qyzmet kórsetý kolledjiniń stýdenti, 16 jastaǵy boıjetken tabyldy, dep habarlaıdy QazAqparat tilshisi.
Anasy Kúlásh Ákimbekovanyń aıtýynsha, jasóspirim qyz jigitimen birge basqa qalaǵa ketip qalǵan.
«16 jetoqsan kúni quzyrly organdar tapqan. Ol óziniń jigitine erip Saryaǵashqa ketip qalǵan. Biz jastarmen sóılestik. Onyń aıtýynsha, maǵan aıtyp, eskertken kúnde men ruqsat bermeıdi dep oılaǵan. Sol sebepti eshkimge habar bermeı ketip qalǵan» ,- dedi qyzdyń anasy.
Eske sala ketsek, Aıǵanym Ákimbekova 9 jeltoqsan kúni oqýǵa ketip, sodan úıine oralmaǵan bolatyn.
