Almatyda bir apta boıy «Naýryz -2012» teatrlandyrylǵan qýyrshaq shoý merekelik sharasy ótedi

Bir apta boıy qýyrshaq teatrynda atalmysh teatrdyń ártisteri balalar úshin ertegi keıipkerleriniń qatysýymen túrli oıyn-saýyq baǵdarlamalar men «Tarqamaıdy toıymyz» atty qoıylym usynatyn bolady. Kúnine eki ret ótetin sharalardyń bastalýy saǵat 10:00-de jáne 12:30-da.

Almaty qalasy Memlekettik qýyrshaq teatry 1935 jyly qurylǵan. Óner ordasy qazaq teatrlary arasyndaǵy eń baıyrǵy teatrlardyń biri bolyp tabylady.  74 jyl ishinde teatr sahnasynda barlyq júıedegi qýyrshaqtar - qarapaıym jippen júrgiziletin qýyrshaqtan bastap, kúrdeli marıonetkalarǵa deıin kórsetildi.  Teatrdyń repertýary negizinen halyq ertegileri, shyǵys jáne shetel ertegilerinen turady. Jylyna teatrdyń ujymy kórermen nazaryna jańa 4-6 qoıylymnan usynyp keledi. Teatr sondaı-aq, buryn qoıylǵan qoıylymdardy qaıta qoıýdy nazardan tys qaldyrmaýda. Búginde teatr repertýaryndaǵy  keńpeıildilik, batyrlyq, ádildik, dostyq taqyryptaryn jáne etıkalyq máselelerdi qozǵaıtyn qoıylymdar -«Otan týraly ańyz», «Qurmanǵazy», «Kıeli alma», «Aqqý jibek», «Morozko», «Aıaz ata jáne jaz», «Úsh toraı», «Sotqar buzaý» kórermenderdiń yqylasyna bólengen. Qazirgi tańda teatr repertýarynda 22 qoıylym bar. Qoıylymdar qazaq jáne orys tilderinde júrgiziledi.